ಪ್ಲಿಪ್ಕಾರ್ಟ್ನಲ್ಲಿ ಟೂಲ್ ಕಿಟ್ ಖರೀದಿ, ಮನೆಗೆ ಬಂದಿದ್ದು ಕಲ್ಲು ತುಂಬಿದ ಬಾಕ್ಸ್: ಎಚ್ಚರ ಗ್ರಾಹಕ ಎಚ್ಚರ
ಅಂಕೋಲಾ : ಯುವಕನೊರ್ವ ಪ್ಲೀಪ್ ಕಾರ್ಟ್ನಲ್ಲಿ ಎಲೆಕ್ಟ್ರಿಕಲ್ ಹಾಗೂ ಪ್ಲಂಬಿ0ಗ್ ಕೆಲಸಕ್ಕೆ ಬೇಕಾಗುವ ಟೂಲ್ ಕಿಟ್ ಖರೀದಿಸಿದ್ದು ಮನೆಗೆ ಬಂದ ವಸ್ತು ತೆರೆದು ನೋಡಿದಾಗ ಬಾಕ್ಸ್ ನಲ್ಲಿ ಕಲ್ಲುಗಳು ತುಂಬಿ ಕಳಿಸಿರುವುದು ಕಂಡಿದೆ.
ತಾಲೂಕಿನ ಯುವಕನೋರ್ವ ಮೆನೆಯ ಎಲೆಕ್ಟ್ರಿಕಲ್ ಕೆಲಸ ಮಾಡುವ ಉದ್ಯೋಗದಲ್ಲಿದ್ದು ತನ್ನ ಕೆಲಸಕ್ಕೆ ಟೂಲ್ ಕಿಟ್ ಅವಶ್ಯವಿರುವುದರಿಂದ ಪ್ಲಿಪ್ ಕಾರ್ಟ್ ನಲ್ಲಿ ಸುಮಾರು 5 ಸಾವಿರ ಮೌಲ್ಯದ ಟೂಲ್ ಕಿಟ್ ಆರ್ಡರ್ ಮಾಡಿದ್ದಾನೆ.
ನಾಲ್ಕು ದಿನಗಳ ನಂತರ ಬಂದ ಪಾರ್ಸೆಲ್ ಬಿಚ್ಚಿ ನೋಡಿದ ಯುವಕನಿಗೆ ಶಾಕ್ ಕಾದಿತ್ತು. ಟೂಲ್ ಕಿಟ್‌ನ ಬಾಕ್ಸ್ನಲ್ಲಿ ಕೆಜಿ ಭಾರದ ನಾಲ್ಕು ಕಲ್ಲುಗಳನ್ನು ತುಂಬಿ ಕಳಿಸಿರುವುದನ್ನು ಕಂಡು ಯುವಕ ಹೌಹಾರಿದ್ದಾನೆ.
ಪಾರ್ಸೆಲ್ ಮಾಡಿ ಕಳುಹಿಸಿದ ಬಾಕ್ಸ್ ಮಾತ್ರ ಮಜಬೂತಾಗಿ ಪ್ಯಾಕ್ ಮಾಡಿದ್ದು ಕೊಂಚವು ಅನುಮಾನ ಬಾರದ ರೀತಿಯಲ್ಲಿ ಟೂಲ್ ಕಿತ್ ಎಷ್ಟು ಭಾರ ಇರುತ್ತದೆಯೋ ಅಷ್ಟೇ ಭಾರದ ಕಲ್ಲುಗಳನ್ನು ಜೋಡಿಸಿ ಸರಿಯಾದ ವಿನ್ಯಾಸದೊಂದಿಗೆ ಡೆಲಿವರಿ ನೀಡಲಾಗಿತ್ತು.
ದಿಗ್ಬ್ರಾಂತನಾದ ಯುವಕ ಕಳೆದ 2 ತಿಂಗಳಿAದ ಟೂಲ್ ಕಿಟ್ ವಾಪಸಾತಿಗಾಗಿ ಹಲವಾರು ಬಾರಿ ಗ್ರಾಹಕ ಸಹಾಯವಾಣಿಗೆ ಕರೆ ಮಾಡಿದರೂ ಸಹ ಸರಿಯಾದ ಯಾವುದೇ ಪ್ರತಿಕೃಯೆ ಬಾರದೆ ಇರುವದಿಂದ ಯುವಕ ಗ್ರಾಹಕ ನ್ಯಾಯಾಯದ ಕದ ತಟ್ಟಲು ಮುಂದಾಗಿದ್ದಾನೆ.
ಅತ್ತ ಆರ್ಡರ್ ಮಾಡಿದ ವಸ್ತುವೂ ಸಿಗದೇ ಇತ್ತ ಸಾವಿರಾರು ರೂ ಹಣವೂ ಕಳೆದುಕೊಂಡು ಯುವಕನ ಪರಿಸ್ಥಿತಿ ಉಂಡು ಹೋದ ಕೊಂಡು ಹೋದ ಎಂಬAತಾಗಿದೆ.
ಅತ್ಯಂತ ವಿಶ್ವಾಸಾರ್ಹ ಜಾಲತಾಣಗಳಿಂದಲೇ ಇಂತಹ ಕೃತ್ಯ ಆಗುತ್ತಿರುವುದರಿಂದ ತಪ್ಪು ಜಾಲತಾಣಗಳ ಮಾಲಕರದ್ದೋ ಅಥವಾ ತಲುಪಿಸುವ ವ್ಯಕ್ತಿಯಾದ್ದೋ ಎಂಬುದು ಯಕ್ಷ ಪ್ರಶ್ನೆಯಾಗಿದೆ. ಆನ್ಲೈನ್ ನಂಬಿ ವಸ್ತು ಖರೀದಿಸುವ ಜನಕ್ಕೆ ಈ ಘಟನೆ ಪಾಠವಾಗಿರುದಂತೂ ಸುಳ್ಳಲ್ಲ.
ಆನ್ಲೈನ್ ಮಹಿಳಾ ಉಡುಪು ಖರೀದಿಯಲ್ಲೂ ಮೋಸ
ಕೇವಲ ವಸ್ತುಗಳಲ್ಲಿ ಮಾತ್ರವಲ್ಲದೆ ಕೆಲವು ಮಹಿಳಾ ಉಡುಪು ಖರೀದಿ ಜಾಲತಾಣಗಳಲ್ಲಿಯೂ ಸಹ ಮೋಸ ನಡೆಯುತ್ತಿದೆ. ದುಬಾರಿ ಬೆಲೆಯ ಬಟ್ಟೆಗಳನ್ನು ಖರೀದಿಸಿದಾಗ ಮನೆಗೆ ಮುಟ್ಟಿದ ವಸ್ತು ನೂರು ರೂಪಾಯಿಗೂ ಲಾಯಕ್ಕಿಲ್ಲದ ಉಡುಗೆಗಳು ಇರುತ್ತವೆ. ಹೊರಗೆ ಹೇಳಿದರೆ ಎಲ್ಲಿ ಗಂಡನಿ0ದ ಧರ್ಮದೇಟು ಬೀಳುತ್ತದೆಯೋ ಎಂಬ ಭಯದಿಂದ ಯಾರಿಗೂ ತಿಳಿಸದೇ ವಿಷಯ ಮರ್ಮವಾಗೇ ಉಳಿದು ಬಿಡುತ್ತದೆ.
ಇತ್ತೀಚೆಗೆ ಆನ್ಲೈನ್ ವಂಚನೆ ಹೆಚ್ಚಾಗಿದ್ದು ಈಗ ಅದು ವಸ್ತು ಖರೀದಿಯಲ್ಲೂ ಆಗುತ್ತಿರುವುದು ವಿಷಾದನೀಯ. ಕೇವಲ ನಂಬಿಕೆಯ ಆಧಾರದ ಮೇಲೆ ಈ ಇಲ್ಲ ವ್ಯವಹಾರಗಳು ನಡೆಯುತ್ತವೆ. ಅದರೆ ಇಂತಹ ಘಟನೆಗಳು ಆನ್ಲೈನ್ ಖರೀದಿಯ ಮೇಲೆ ಅವಿಶ್ವಾಸ ಮೂಡುವಂತೆ ಮಾಡುತ್ತವೆ. ಖರೀದಿ ಜಾಲತಾಣ ಕಂಪನಿಗಳು ರಫ್ತು ಮಾಡುವ ವಸ್ತುಗಳ ಬಗ್ಗೆ ಕೂಲಂಕುಶ ಪರೀಕ್ಷೆ ನಡೆಸಿ ಮಾರಾಟ ಮಾಡುವುದು ಬಹಳ ಅವಶ್ಯಕವಾಗಿದೆ.
ದಾಮು ಗೌಡ.
